ჭანტურიას "ურალი" სლოვენიურ შეკრებაზე ადგილობრივ "რუდარს" შეხვდა და ანგარიშით 0:1 წააგო. ქართველი ფეხბურთელი მატჩში მეორე ტაიმიდან ჩაერთო.
მატჩის შემდეგ "ურალის" მთავარმა მწვრთნელმა ვადიმ სკრიპჩენკომ კლუბის ვებგვერდთან საუბარში შეხვედრა შეაფასა და გიორგი ჭანტურიაზეც ისაუბრა.
- პირველად "ურალის" შემადგენლობაში, მართალია, საკონტროლო მატჩში, მაგრამ მაინც ითამაშა გიორგი ჭანტურიამ. რა შეგიძლიათ თქვათ მის ფუნქციონალურ მდგომარეობაზე?
- მისი ფუნქციონალური მდგომარეობა ოპტიმალური არ არის. ეს დაკავშირებულია იმასთან, რომ ის მხოლოდ ამ შეკრებაზე შემოგვიერთდა. ჭანტურია მოედანზე
პრინციპში, იმ სათამაშო მომენტებით, რაც მას ჰქონდა, კმაყოფილი ვარ.
დადებითი ეპიზოდი იყო, როცა მან მწვავე გადაცემა გააკეთა ჩისამბა ლუნგუზე, რომლის შემდეგ ლუნგუს გატანა შეეძლო. ამ მომენტში შესრულების ოსტატობა მაღალი იყო.
გიორგის მდგომარეობა დღეისთვის ასეთია - რა თქმა უნდა, ის ჯერ მზად არ არის, ბოლომდე ჩაატაროს მატჩი, მაგრამ ნელა-ნელა საწვრთნელი სამუშაოს ხარჯზე ფორმას მოიკრეფს, ჩვენ კი მზად ვართ, საკონტროლო მატჩებში სათამაშო პრაქტიკა მივცეთ, რომ მან სათამაშო ტონუსი შეიძინოს.