"ლელომ" მკითხველს ექსკლუზიურად აცნობა, რომ რუსეთის პრემიერლიგიდან გავარდნილი სარანსკის "მორდოვიადან" წამოსული ნუკრი რევიშვილი კარიერას ისრაელში გააგრძელებდა. 28 წლის მეკარემ რუსულ კლუბთან მოქმედი კონტრაქტი ორმხრივი შეთანხმებით გაწყვიტა და თავისუფალი აგენტის სტატუსით მოლაპარაკება ისრაელის ლიგატ'ალის (უმაღლესი ლიგა) მეშვიდეადგილოსან თელ-ავივის "ბნეი იეჰუდასთან" წამოიწყო. სხვათა შორის, გასულ კვირას, "ბნეი იეჰუდამ" თელავივურ ამხანაგურ დერბიში შოთა არველაძის გაწვრთნილი "მაკაბი" 2:1 დაამარცხა...
8 აგვისტოს კი "ლელომ" რევიშვილისგან შეიტყო, რომ ისრაელში პარასკევს ჩასულმა "ბნეი იეჰუდასთან" კონტრაქტი უკვე გააფორმა. მისი თქმით, ხელშეკრულება 2-წლიანია და ებრაულმა კლუბმა ტრანსფერი 2018 წლამდე
ისრაელში სეზონი 20 აგვისტოს დაიწყება. "ბნეი იეჰუდა" პირველ ტურში თელ-ავივში "ბნეი სახნინს" უმასპინძლებს. თუმცა ძნელი სათქმელია, ესპანეთის ნაკრებთან ამხანაგურ შეხვედრაში დაშავებული რევიშვილი მოედანზე გასვლას როდის მოახერხებს. მან ხომ რეაბილიტაცია არც ისე დიდი ხნის წინ დაასრულა.
თუმცა ის იმედოვნებს, რომ პირველ ტურამდე დარჩენილ დღეებში კიდევ უფრო მომჯობინდება, საკონტროლო შეხვედრაში (თელავიველები 15 აგვისტოს რაანანას "ჰაპოელს" შეხვდებიან) საკუთარ მზადებას შეამოწმებს და სეზონის დასაწყისისთვის ფორმაში შევა.
(იბეჭდება მცირე ცვლილებით)
ყოველდღიური სპორტული გაზეთი "ლელო"
![კვლავ ფორმაშია! - შოთა არველაძემ მადრიდის "რეალს" გაუტანა [VIDEO]](/pictures/image7/2d1f3aeb1efc7b85ecbdcc72c2873bff.png "კვლავ ფორმაშია! - შოთა არველაძემ მადრიდის \"რეალს\" გაუტანა [VIDEO]")
