ყაზანის "რუბინის" ყოფილმა მთავარმა მწვრთნელმა რინატ ბილიალეტდინოვის sovsport.ru-ს ინტერვიუ მისცა, სადაც გუნდის ქართველ მცველ საბა კვირკველიაზეც ისაუბრა, რომელიც საკმაო ხანია ყაზანელთა შემადგენლობაში ვეღარ ხვდება.- რას ფიქრობთ საბა კვირკველიას სიტუაციაზე?
- საბა ძალიან კარგი მცველია, რომელსაც შესანიშნავ ფეხბურთელად გაზრდა შეუძლია. ხელოვნურად "მოკვლა" დაუშვებელია! შესაძლოა, მისმა თამაშმა სამწვრთნელო შტაბი ვერ აღაფრთოვანა, მაგრამ იმათგან, ვინც მოედანზე გამოდის, მასზე უკეთესს ვერ ვხედავ.
არ უნდა დაგვავიწყდეს ისიც, რომ კვირკველია 2 სეზონის წინ წლის საუკეთესო ქართველ ფეხბურთელად დასახელდა. შეიძლება ეს ვინმეს უაზრობად მოეჩვენოს, მაგრამ, მაპატიეთ,
ყველას თავისი აზრი აქვს, მაგრმ მე ვამბობ, რომ კვირკველია თამაშიდან თამაშამდე უმატებდა, ვითარდებოდა... დარწმუნებული ვარ, რომ კვირკველია ათამაშდება და არამხოლოდ რუსეთში, არამედ ევროპაშიც საკმაოდ მოთხოვნადი ფეხბურთელი გახდება. ერთადერთი, რაც მას ახლა სჭირდება, ეს თამაშია, თუნდაც სხვა კლუბში.
- მისი აგენტის თქმით, კვირკველია "რუბინს" მხოლოდ იმ შემთხვევაში დატოვებს, თუ შემოთავაზება "სპარტაკიდან" ან "ზენიტიდან" იქნება...
- იქნებ ის მხოლოდ რუსულ კლუბებს გულისხმობს? თუმცა თუ რუსულ კლუბში გადასვლა ვერ მოხერხდა, მაშინ სხვა ჩემპიონატში მოუწევს კლუბის ძებნა. მთავარია, ორივე მხარის ინტერესი დაკმაყოფილდეს. არაადექვატური ფასის დადებით მხარეები კონსესუსს ვერ მიაღწევენ.
