ბელარუსის მიმდინარე ჩემიონატის 27-ე ტურში საგოლე პასი მიითვალა საქართველოს ნაკრების ნახევარმცველმა ვაკო გვილიამ. 28 ოქტომბერს გამართულ შეხვედრაში გვილიას გუნდმა ბორისოვის ბატე-მ, რომელმაც ვადამდე გაინაღდა ჩემპიონობა, მინსკში ადგილობრივ "კრუმკაჩის" სამი უპასუხო გოლი გაუტანა.
სტუმართა მეორე გოლი მატჩის 57-ე წუთზე სწორედ გვილიას მოწოდებულ კუთხურს მოჰყვა. მანამდე კი ქართველ ნახევარმცველს თავადაც შეეძლო გატანა, თუმცა მისი დარტყმის შემდეგ ბურთი კარიდან მეტოქე გუნდის მცველმა გამოიტანა.
ბატე-ს ჩემპიონატის დასრულებამდე 4 ტურით ადრე 67 ქულა აქვს და მეტოქეთათვის მიუწვდომელია.
![ატყდა დავიდარაბა. "სლოვანმა" რუსულ გუნდთან საიდუმლო მატჩი ჩაატარა - კანკავამ გაიტანა, გვილიამ ითამაშა [VIDEO]](/pictures/image7/57f03630e45e20d80b6f88de210dde05.jpeg "ატყდა დავიდარაბა. \"სლოვანმა\" რუსულ გუნდთან საიდუმლო მატჩი ჩაატარა - კანკავამ გაიტანა, გვილიამ ითამაშა [VIDEO]")
