დონეცკის "შახტარის" 18 წლის ქართველმა ფორვარდმა გიორგი არაბიძემ დღეს დონეცკელთა პირველ გუნდში ივარჯიშა. აღნიშნულ ინფორმაციას კლუბის ოფიციალური საიტი ავრცელებს."შახტარი" ევროპალიგის მე-5 ტურის მატჩისთვის ემზადება, რომელსაც 24 ნოემბერს, ლვოვში "კონიასპორის" წინააღმდეგ ჩაატარებს. "შახტარს" არაბიძე ევროპალიგის განაცხადში ჰყავს შეყვანილი და არაა გამორიცხული, ქართველს ევროპა ლიგაზეც მიეცეს შანსი, თანაც უკრაინელებს 4-ივე მატჩი მოგებული აქვთ და ჯგუფში პირველი ადგილიც გაინაღდეს.
მიმდინარე სეზონში არაბიძემ "შახტარის" 21-წლამდელთა შემადგენლობაში 14 მატჩი ჩაატარა და 7 გოლი გაიტანა.
![არაბიძის ბრწყინვალე მატჩი - ქართველმა შემტევმა სამხრეთ კორეის ჩემპიონატში დუბლი შეასრულა [VIDEO]](/pictures/image7/f9eac084cd5410eb8cae8f345983facd.jpg "არაბიძის ბრწყინვალე მატჩი - ქართველმა შემტევმა სამხრეთ კორეის ჩემპიონატში დუბლი შეასრულა [VIDEO]")
