თუ სასწაული არ მოხდა, საქართველოს ნაკრებისა და თბილისის "დინამოს" 21 წლის ნახევარმცველი მათე ცინცაძე ახალი წლიდან პოლონეთის ჩემპიონატის მეშვიდეადგილოსან შჩეცინის "პოგონის" ღირსებას დაიცავს. "ამ ეტაპზე მხოლოდ იმას ვიტყვი, რომ მოლაპარაკების პროცესში პროგრესი გვაქვს", - თქვა პოლონური კლუბის სპორტულმა დირექტორმა მაცეი სტოლიარჩიკმა.
ამ ინფორმაციას ადასტურებს "ტრანსფერმარკტიც". იქ წერია, რომ მომავალი წლიდან მათე სწორედ "პოგონის" ღირსებას დაიცავს.
შეგახსენებთ, რომ გასულ სეზონში სწორედ ამ გუნდის ღირსებას იცავდა საქართველოს ნაკრების ფორვარდი ლადო დვალიშვილი.
(იბეჭდება მცირე ცვლილებით)
ყოველდღიური სპორტული გაზეთი "ლელო"
