როგორია ლევან კობიაშვილის 9 მილიონ ლარზე მეტად შეფასებული ქონება

ვებგვერდი bpn.ge საქართველოს პარლამენტის წევრისა და ფეხბურთის ფედერაციის პრეზიდენტის, ლევან კობიაშვილის ქონებით დაინტერესდა.

გთავაზობთ ამონარიდს სტატიიდან.

"დეპუტატ ლევან კობიაშვილის შემოსავალმა ფეხბურთის ფედერაციის პრეზიდენტის პოსტზე გასულ წელს 63 334 ლარი შეადგინა.

კობიაშვილი ამ თანამდებობას 2015 წლის 3 ოქტომბრიდან მოყოლებული დღემდე იკავებს.
ყოფილი ფეხბურთელი ლევან კობიაშვილი, რომელიც 2016 წლის ნოემბერში "ქართული ოცნების" რიგებიდან მე-9 მოწვევის პარლამენტის წევრი გახდა, მილიონერ დეპუტატებს შორის მოხვდა.

მონიტორინგის ცენტრ "მედიატორის" კვლევის თანახმად, კობიაშვილის უძრავ-მოძრავი ქონება 9 829 530 ლარად არის შეფასებული.

2016 წლის 31 დეკემბერს შევსებული ქონებრივი დეკლარაციის მიხედვით, ლევან კობიაშვილი ფლობს 70 კვადრატული მეტრი ფართობის ბინას ბათუმში; 6 500 კვ. მეტრი ფართობის მიწის ნაკვეთს ბაკურიანში; 450 კვადრატული მეტრის საცხოვრებელ სახლს წყნეთში; ამავე მისამართზე მდებარე 2 100 კვადრატული მეტრი ფართობის მიწის ნაკვეთს.

მას ეკუთვნის ასევე 425 კვადრატული მეტრი ფართობის საცხოვრებელი სახლი დიუსელდორფში, ამავე მისამართზე მდებარე 790 კვ. მეტრის მიწის ნაკვეთი და 550 კვ. მეტრი ფართობის საცხოვრებელი სახლი ბერლინში. აღსანიშნავია, რომ თავად კობიაშვილი გერმანიაში მდებარე უძრავი ქონების მხოლოდ 50%-იანი წილის მფლობელია, დანარჩენს 50%-ს კი მისი მეუღლე თამარ წულეისკირი ფლობს".

იხილეთ სტატიის სრული ვერსია