18 ივნისს ყველა დროის გამორჩეულ ქართველ ფეხბურთელს დავით ყიფიანს 60 წელი შეუსრულდებოდა და გუშინ მისი ხსოვნისადმი მიძღვნილი ტურნირი 35-ე საფეხბურთო სკოლის მოედანზე "ღია სახალისო ფეხბურთის" პროგრამის ხელმძღვანელების (ვალერი ჩოლარია, ბადრი ქარქაშაძე, კოორდინატორი ბადრი მაჭავარიანი), დავით ყიფიანის სახელობის ფონდისა და ჟურნალ "ათიანის" ორგანიზებით ჩატარდა. ტურნირში 1999 წელს დაბადებულ ბავშვთა ოთხი გუნდი - "ნორჩი დინამოელი", "ავაზა-ვისოლი", 35-ე საფეხბურთო სკოლა და "ოლიმპი 2" მონაწილეობდნენ.
"ავაზა-ვისოლმა" "ოლიმპი 2"-ს 2:1 სძლია, "ნორჩმა დინამოელმა" 35-ე საფეხბურთო სკოლის აღსაზრდელები 4:1 დაამარცხა. მატჩი მესამე ადგილისთვის "ოლიმპი 2"-სა და
გამოვლინდნენ ტურნირის საუკეთესონიც: მეკარე ლაშა გურგენიძე ("ოლიმპი 2"), მცველი ნიკა ნინუა ("ნორჩი დინამოელი"). ფინალის საუკეთესო გოლის ავტორად "ავაზა-ვისოლის" ფეხბურთელი მათე მინდიაშვილი, ხოლო ტურნირის საუკეთეს ფეხბურთელად "ნორჩი დინამოელის" ათი ნომერი გიორგი ჭანკვეტაძე დასახელდნენ. ჭანკვეტაძეს თბილისის "დინამოს" ახალი ათნომრიანი მაისურაც უსახსოვრეს.
ტურნირის მონაწილე ოთხივე გუნდს სამახსოვრო საჩუქრები, მედლები და თასები გადაეცათ.
ლევან ყიფიანი: "მას შემდეგ, რაც მამა გარდაიცვალა, ტურნირი ყოველწლიურად მისი დაბადების დღეს იმართება. მოზარდთა ასეთი შეჯიბრებები მათაც წაადგებათ და მთლიანად ქართულ ფეხბურთსაც დიდ სამსახურს გაუწევს. ვიმედოვნებ, მომავალში უფრო მასშტაბური გახდება".
ბადრი მაჭავარიანი: "მეოთხე წელია, რაც ეს ტურნირი ტარდება. წლეულს გუნდებმა საუკეთესო შემადგენლობები გამოიყვანეს. საპრიზო ადგილებისა და საჩუქრების გარეშე არც ერთი მონაწილე არ დარჩენილა".
ყოველდღიური სპორტული გაზეთი "ლელო"
