ვასილ მაისურაძის გაწვრთნილი საქართველოს 17-წლამდელთა ნაკრები ევროპის ჩემპიონატზე ოთხეულში რომ მოხვდა, ამის შემდეგ გუნდის წამყვანი მოთამაშეების მიმართ ინტერესი უზომოდ გაიზარდა. ევროპელი სკაუტები და სპეციალისტები გააქტიურდნენ და ნიჭიერი ბავშვების გადაბირებას ცდილობენ.მაგალითად, ნიკა ჭანტურია და დავით ჯიქია "ფრაიბურგში" ვარჯიშობენ, ლაშა დვალის მიმართ კი განსაკუთრებით დიდი ინტერესია.
იყო ლაპარაკი, რომ ის ან კიევის "დინამოში" ითამაშებდა, ან სანკტ-პეტერბურგის "ზენიტში". აღსანიშნავია, რომ ლაშა უკვე იყო რუსეთის ყოფილ დედაქალაქში და გუნდთან ერთად ერთი კვირა ვარჯიშობდა. ახლა კი "სოვეტსკი სპორტმა" რუსეთის პრემიერლიგის სატრანსფერო ცხრილში დვალი "ზენიტის"
ფეხბურთელის მწვრთნელის, გუბაზ დოლიძის თქმით, ამჟამად დვალი საფეხბურთო კლუბ "იბერია 2010"-ს ეკუთვნის, რომელიც მის მიერ არის დაარსებული და თავადვეა პრეზიდენტი. ახლა ეს კლუბი "ჩიხურასთან" გაერთიანდა და დუბლების ჩემპიონატში საჩხერელთა სახელით იასპარეზებს, მაგრამ ასპროცენტიანი მტკიცებით შეიძლება იმის თქმა, რომ ამ ნიჭიერ ბავშვს საქართველოში თამაში არ მოუწევს.
როგორც დოლიძემ გვითხრა, ლაშა დვალის მიმართ ინტერესს უკვე 10-მდე გუნდი ავლენს. "დინამოსა" და "ზენიტის" წინადადება სერიოზულია, მოლაპარაკება მიმდინარეობს და რაც უნდა უცნაური იყოს, ტრანსფერს მხოლოდ ქართული მხარის თანხმობა აკლია.
საქმე ისაა, რომ დოლიძე ფეხბურთელის ევროპულ კლუბში გაშვების მომხრეა, რადგან მიაჩნია, რომ დვალი პროფესიონალად იქ უფრო ჩამოყალიბდება. გადამწყვეტი კი ის ფაქტორია, რომ ახლა დვალით ინგლისური "რედინგიც" დაინტერესდა, ინგლისში თამაში კი ნებისმიერი მოთამაშის ოცნებაა.
(იბეჭდება მცირე ცვლილებით)
ყოველდღიური სპორტული გაზეთი "ლელო"
