13 ოქტომბერს, თბილისის დროით 18:00 საათზე ქუთაისის "ტორპედო" თურქულ "ტრაბზონსფორთან" ამხანაგურ მატჩს გამართავს. გია გეგუჩაძის შეგირდები თურქეთში 12 ოქტომბერს ჩავიდნენ და ვარჯიშიც გამართეს.იმერული კლუბის ოფიციალურმა ვებგვერდმა იმ 11 მოთამაშის სია გააცხადა, რომლებიც თურქული ფეხბურთის ერთერთ გრანდთან მოედანზე სათამაშოდ გავლენ.
ესენი არიან: მაქსიმე ქვილითაია, ალექსანდრე კვახაძე, ზაზა ჭელიძე, გიორგი გურული, დათა რიგვავა, მერაბ გიგაური, გრიგოლ დოლიძე, გიორგი კუხიანიძე, ვალერი ბოლქვაძე, ნიკა საბანაძე, ბექა ტუღუში.
რაც შეეხება ამინდს, ამჟამად, ტრაბზონში 24 გრადუსი სითბოა.
