ოქტომბრის ბოლოს, ახალი ხელისუფლების მოსვლის შემდეგ, პატიმრების ნაწილი გამოუშვეს. მაშინ ვრცელდებოდა ინფორმაცია, რომ სხვებთან ერთად, საქართველოს ნაკრების ყოფილ ფეხბურთელს, გიორგი დემეტრაძესაც გაათავისუფლებდნენ - ამ იმედს კახა კალაძის განცხადება იძლეოდა. "ყველა ის ადამიანი, რომელიც უკანონოდ არის დაკავებული და დანაშაული არ ჩაუდენია, დაუბრუნდება საკუთარ ოჯახსა და საზოგადოებას.
ჩვენდა საუბედუროდ, მათ შორის მოხვდა გიორგი დემეტრაძეც, რომელსაც აბსურდული ბრალდება წაუყენეს.
მჯერა, მალე ობიექტური სასამართლო შედგება და დემეტრაძეს გაათავისუფლებენ", - თქვა 8 ოქტომბერს "ლელოსთან" საქართველოს ნაკრებისა და "მილანის" ყოფილმა მცველმა, რომელიც საპარლამენტო არჩევნებში გამარჯვებული და
მეტიც, იყო ცნობა, რომ პატიმრობაში მყოფი დემეტრაძე კახა კალაძის გამოსამშვიდობებელ მატჩში მიიღებდა მონაწილეობას. ზოგიერთმა საინფორმაციო წყარომ იჩქარა და დაწერა კიდეც, დემეტრაძე თავისუფალი არისო.
სამწუხაროდ, საქართველოს ნაკრების ყოფილი თავდამსხმელი ჯერ კიდევ ციხეშია, "მილანის" ყოფილი ფეხბურთელის, კახა კალაძის გამოსამშვიდობებელი შეხვედრა "მილანის" ვარსკვლავების წინააღმდეგ კი, სავარაუდოდ, 2013 წლის გაზაფხულზე გაიმართება.
დემეტრაძის მამის თქმით, გიორგი იმედოვნებს, რომ სასამართლო მალე გაიმართება და გამამართლებელ განაჩენს გამოუტანენ.
შეგახსენებთ, რომ საქართველოს ნაკრების ყოფილი თავდამსხმელი 2010 წელს ქურდული სამყაროს წევრობის ბრალდებით დააკავეს. ამ ბრალდებას დემეტრაძე კატეგორიულად არ ეთანხმება.
თავის დროზე, რადგან თბილისის სააპელაციო სასამართლომ ცნობილი ფეხბურთელის საჩივარი არ დააკმაყოფილა და ძალაში დატოვა საქალაქო სასამართლოს განაჩენი, გიორგიმ და მისმა ადვოკატმა საქმე სტრასბურგის ადამიანის უფლებათა ევროპულ სასამართლოში გაასაჩივრეს, საპროცესო გარიგებაზე კი უარი თქვა, რადგან დემეტრაძისთვის სრულიად მიუღებელი იყო ბრალდების აღიარება.
ყოველდღიური სპორტული გაზეთი "ლელო"
ასევე იხილეთ:
გიორგი დემეტრაძე: იმედია, მე და პატიმრების დიდი ნაწილი ოჯახებს ახალ წლამდე ვნახავთ
გიორგი დემეტრაძე კახა კალაძის გამოსამშვიდობებელ მატჩში ითამაშებს
კახი კალაძე: გიორგი დემეტრაძე უახლოეს მომავალში გათავისუფლდება
ფეხბურთელებმა ციხეში გიორგი დემეტრაძესთან მატჩი გამართეს
