ფუტსალის ასოციაციის გენერალური მდივნის, ბექა კვიციანის თქმით, არაა გამორიცხული, საქართველოს ახალგაზრდულმა ნაკრებმა რუსეთში საერთაშორისო ტურნირზე ითამაშოს."შეჯიბრება 2013 წლის ბოლოს სანკტ-პეტერბურგში იმართება. ტურნირის დანიშნულებაა, რომ ახალგაზრდა მოთამაშეებმა გამოცდილება მიიღონ და დროთა განმავლობაში ეროვნული ნაკრები გააძლიერონ.
თანაც, მათ შეეძლებათ, თავი გამოიჩინონ და ძლიერ კლუბებში მოხვდნენ, რადგან ტურნირს პირდაპირ ეთერში EUROSPORT გადასცემს", - ამბობს კვიციანი.
ამავე დროს, შევიტყვეთ, რომ ახალგაზრდა ქართველ ფუტსალელებს პოლონეთის ფეხბურთის ფედერაცია გდანსკშიც ეპატიჟება.
ყოველდღიური სპორტული გაზეთი "ლელო"
