ფოტოზე: მერაბ გიგაური (ტორპედო) გამოკითხვაში მონაწილეობსწყალტუბოში, სასტუმრო "პრომეთეში", სადაც საშინაო მატჩებამდე ქუთაისის "ტორპედო" ბინავდება, მნიშვნელოვანი ამბავი მოხდა.
ფიფას მიერ ხელდასმულმა "ფიფპრომ" მსოფლიოს სიმბოლური ნაკრების (WORLD AWARD 2013) შესადგენად მთელ მსოფლიოში გამოკითხვა დაიწყო.
"ფიფპრომ" საქართველოში მისი ორგანიზება საკუთარ წარმომადგენელს, "საქართველოს ფეხბურთელთა ასოციაციას" მიანდო.
წლეულს გამოკითხვაში მონაწილეობის პატივი მხოლოდ ოთხი ქართული კლუბის წევრებს ერგოთ, მათ შორის კი პირველი "ტორპედო" იყო.
ხსენებული ასოციაციის თავმჯდომარის, ბესიკ აბაშიძის მიერ ჩამოტანილ ბიულეტენებში ფეხბურთელთა ვინაობების ჩაწერით ტორპედოელებს შესაძლებლობა ჰქონდათ, ამა წლის მსოფლიოს სიმბოლური თერთმეტეულის დაკომპლექტებაში სასურველი
"მსოფლიო ნაკრები" 2014 წლის 14 იანვარს შვეიცარიის ქალაქ ციურიხში გამოვლინდება.
"ხმის მიცემის პროცედურა 12 აგვისტოს დაიწყო და მასში "ბარსელონას" ფეხბურთელები მონაწილეობდნენ.
რადგან ჩვენ "ფიფპროში" გაწევრიანების მოთხოვნა მხოლოდ ახლა წარვადგინეთ და ჯერ მისი წევრები არ ვართ, საქართველოს მხოლოდ 25 ბიულეტენი გამოგვიყვეს და 4 გუნდზე გადავანაწილეთ: 14 სექტემბერს მსოფლიოს საუკეთესო ფეხბურთელის არჩევნები თბილისის "დინამოში" ჩატარდა, მომავალ კვირას კი საჩხერის "ჩიხურა" და გორის "დილა" შემოგვიერთდებიან.
გამოკითხვა 15 ნოემბერს მთავრდება, დაჯილდოება კი 14 იანვარს, ფიფას ოფისში, შვეიცარიის ქალაქ ციურიხში ჩატარდება.
მომავალ წელს, როდესაც ფიფპროს წევრები ვიქნებით, გამოკითხვაში მონაწილეობას უმაღლესი და პირველი ლიგის ყველა მოთამაშე მიიღებს და საქართველოში დაახლოებით 450-მდე ბიულეტენს შევავსებთ", - გვითხრა აბაშიძემ.
ყოველდღიური სპორტული გაზეთი "ლელო"
!["სანამ კინი "ტორპედოს" მწვრთნელია, "ჯუნგლები" ტრიბუნას ვტოვებთ" - "ტორპედოს" ფანების განცხადება [PHOTO]](/pictures/image7/bb30fbdcce74fb9d4782eb2bd171d15d.png "\"სანამ კინი \"ტორპედოს\" მწვრთნელია, \"ჯუნგლები\" ტრიბუნას ვტოვებთ\" - \"ტორპედოს\" ფანების განცხადება [PHOTO]")
