6 ნოემბერს, 14:00 სთ-ზე, საქართველოს სპორტისა და ახალგაზრდობის საქმეთა სამინისტროს საპრესკონფერენციო დარბაზში სამოყვარულო მინი-ფეხბურთში ტურნირის - "ბიზნესის ჩემპიონთა ლიგის" ორგანიზატორის, სპორტული სააგენტო SBM GEORGIA-ს და აზარტული თამაშების კომპანია "ევროპაბეთის" წარმომადგენლების ერთობლივი პრესკონფერენცია გაიმართება.პრესკონფერენციაზე მხარეებს შორის თანამშრომლობის ხელშეკრულება გაფორმდება, რომლის მიხედვითაც, "ევროპაბეთი" "ბიზნესის ჩემპიონთა ლიგის" 2013-14 წლების სეზონის პარტნიორი გახდება.
აზარტული თამაშების ლიდერი კომპანია საკუთარ მომხმარებელს "ბიზნესის ჩემპიონთა ლიგის" თამაშებზე ფსონების დადებას შესთავაზებს.
ღონისძიებაზე ასევე გაფორმდება "სამართლიანი თამაშის მემორანდუმი", რომელსაც ხელს, მხარეების გარდა, ლიგის მონაწილე გუნდების წარმომადგენლებიც მოაწერენ.
