ქუთაისის ვიცე-მერი ნოდარ მიქიაშვილი ქუთაისში ევროპის 2017 წლის საფეხბურთო ჩემპიონატის ჩაუტარებლობის მიზეზებზე საუბრობს. მისი თქმით, 2017 წელს საფეხბურთო ჩემპიონატი 19-წლამდელთა ასაკში ორი მიზეზის გამო ვერ ჩატარდება. პირველი - ესაა 80-კილომეტრიანი სიშორე თბილისიდან; მეორე - ქალაქში შესაბამისი ინფრასტრუქტურის არარსებობა.
"ევროპის ჩემპიონატის ჩასატარებლად განიხილებოდა 2 ვარიანტი: პირველი - თბილისი- გორი-მცხეთა-რუსთავი და მეორე - ქუთაისი-ზესტაფონი-სამტრედია-წყალტუბო.
მეორე ვარიანტი დაიბლოკა იმიტომ, რომ არ ვართ თბილისთან 80 კილომეტრის რადიუსში; მეორე, რის გამოც ვერ ტარდება ჩემპიონატი, არის შესაბამისი ინფრასტრუქტურის არარსებობა. სტადიონები არის ქუთაისშიც, ზესტაფონშიც, სამტრედიაში, წყალტუბოში შენდება,
ვიცე-მერმა ამ კომენტარით "ევროპა ჩვენი სახლიას" დამფუძნებელს, გია გოქაძეს უპასუხა, რომელიც ქუთაისში ჩემპიონატის ჩაუტარებლობაზე პასუხისმგებლობას ქალაქის მერს, შოთა მურღულიას აკისრებდა:
"შოთა მურღულიამ არ გამოიჩინა შესაბამისი აქტიურობა, რომ ფეხბურთის ფედერაციას ერთ-ერთ ქალაქად ქუთაისი შეერჩია. არადა, მურღულია მერად მთავრობაში გავლენიანი მეგობრების გამო აირჩიეს" - განაცხადა გია გოქაძემ.
შეგახსენებთ, რომ 2017 წელს საქართველო 19-წლამდელთა ევროპის ჩემპიონატს უმასპინძლებს. ჩემპიონატი საქართველოს ოთხ ქალაქში - თბილისში, მცხეთაში, გორსა და რუსთავში ჩატარდება.
წყარო: newpress.ge
ასევე იხილეთ:
U19. ევრო 2017: რას მოითხოვს უეფა საქართველოსგან?
