ფოტოზე: ახრიკ ცვეიბას სახელობის საერთაშორისო ტურნირის გახსნა სოხუმშისოციალურ ქსელში საინტერესო ინფორმაცია გავრცელდა. სლოვაკეთის "ჟილინას" საფეხბურთო სკოლის 14-წლამდელთა გუნდი აფხაზეთს ესტუმრა და სოხუმში ახრიკ ცვეიბას სახელობის საერთაშორისო ტურნირში ითამაშა.
ეს ინფორმაცია "ჟილინას" ვებგვერდმა გაავრცელა, სოხუმის "დინამოს" პრესსამსახურის ცნობით კი, სლოვაკები 29 მაისს დასრულებული ტურნირის გამარჯვებულები გახდნენ.
ცნობისთვის, ტურნირში ასევე ითამაშეს მოსკოვის "დინამოს", მახაჭყალის "ანჟის" და ნალჩიკის "სპარტაკის" ასაკობრივმა გუნდებმა.
მსგავსი ფაქტი მანამდეც ბევრი იყო - მთიანი ყარაბახის ეგრეთ წოდებული ნაკრების სტუმრობა აფხაზეთის "ეროვნულ გუნდთან", ბავშვთა ტურნირებზე რუსების ჩასვლა და ასე
ცხადია, ამ ყველაფერს ქართველებს არც ეკითხებიან. არადა, საქართველოს მთავრობამ და ფეხბურთის ფედერაციამაც ამაზე ხმა უნდა ამოიღონ.
თურქეთი ჩვენი მეგობარი სახელმწიფოა, სლოვაკეთი კი - ევროკავშირის წევრი. საქართველოს ამ ქვეყნებთან დიპლომატიური ურთიერთობა აქვს და ამ ფაქტისთვის ასე წაყრუება საკუთარი თავის უპატივცემულობაა და მეტი არაფერი!
(იბეჭდება მცირე ცვლილებით)
ყოველდღიური სპორტული გაზეთი "ლელო"
