უეფას სუპერთასის ფინალური მატჩის მონაწილე გუნდები "ბარსელონა" და "სევილია" თბილისში 9 აგვისტოს ჩამოვლენ.ამის შესახებ ცნობილი სასტუმრო "რედისონში" გამართულ პრესკონფერენციაზე გახდა, რომელიც ესპანურის კლუბების წარმომადგენლებმა და სფფ-მ ერთობლივად გამართეს.
"ბარსელონა" სასტუმრო "მერიოტში" დაბინავადება. ესპანეთის ჩემპიონი სასტუმროს თითქმის ყველა ნომრის დაჯავშნას აპირებს. სულ "მერიოტის" სასტუმრო 112 ნომერს მოიცავს, აქედან 102-ს კი "ბარსელონა" ჯავშნის.
ჩემპიონთა ლიგის გამარჯვებული 9 აგვისტოს გამთენიისას ჩამოვა და პირველ ვარჯიშს ამავე დღეს საღამოს მიხეილ მესხის სახელობის სტადიონზე გამართავს. ვარჯიში ღია იქნება მედიისთვის და სამწუხაროდ დახურული გულშემატკივრისთვის.
რაც შეეხება
10 აგვისტოს კი ორივე გუნდი "დინამო არენაზე" ივარჯიშებს.
შეგახსენებთ, რომ 11 აგვისტოს "დინამო არენაზე" უეფას სუპერთასის ფინალურ შეხვედრაში ერთამანეთს "ბარსელონა" და "სევილია" დაუპირისპირდებიან. მატჩი 22:45 საათზე დაიწყება.
