22 ივნისს შვეიცარიის ქალაქ ნიონში ევროპალიგის 2015/16 წლების სეზონის I საკვალიფიკაციო ეტაპის წილისყრა გაიმართა.წილისყრის შედეგად, ქართული გუნდების მეტოქეების ვინაობა გაირკვა.
თბილისის "დინამო" პირველ მატჩს საკუთარ მოედანზე აზერბაიჯანის "გაბალასთან" გამართავს. ბათუმის "დინამო" კვიპროსის "ომონიას" მიიღებს, "ცხინვალი" კი პირველ მატჩს სტუმრად რუმინეთის "ბოტოშანისთან" ჩაატარებს.
ევროპა ლიგის I საკვალიფიკაციო ეტაპის მატჩები 2 და 9 ივლისს გაიმართება.
თუკი თბილისის "დინამო" პირველ ეტაპს დაძლევს, მეორე საკვალიფიკაციო ეტაპზე საქართველოს თასის მფლობელი სლოვენიური "დომჟალესა" და სერბული "ჩუკარიჩკის" შორის გამარჯვებულს შეხვდება. ამ ეტაპზე "დინამო" პირველ მატჩს სტუმრად
ბათუმის "დინამო" "ომონიასთან" წარმატების შემთხვევაში, მეორე ეტაპზე პოლონურ "იაგელონიასა" და ლიტვურ "კრუოიას" წყვილში მოგებულს შეხვდება. პირველ მატჩს ბათუმელები სტუმრად გამართავენ.
"ცხინვალი" პირველი ეტაპის წარმატებით დაძლევის შემთხვევაში პოლონურ "ლეგიას" დაუპირისპირდება, პირველ მატჩს კი სტუმრად გამართავს.
ევროპა ლიგის II საკვალიფიკაციო ეტაპის შეხვედრები 16 და 23 ივლისს გაიმართება.
ასევე იხილეთ:
გორის "დილას" მეტოქე ჩემპიონთა ლიგის II საკვალიფიკაციო ეტაპზე ცნობილია
