ვიცე-პრემიერი, ენერგეტიკის მინისტრი კახა კალაძე სახელმწიფო უწყებების მიერ ფეხბურთის ფედერაციიდან უეფას სუპერთასზე დასასწრები ბილეთების მოთხოვნაში "სენსაციურს" ვერაფერს ხედავს.როგორც კალაძემ შესაბამის საკითხზე კომენტირებისას ჟურნალისტებს განუცხადა, მსგავს მატჩებზე მთავრობისა და სახელმწიფო უწყებებისთვის ყოველთვის ხდება "კორპორატიული ბილეთების" გამოყოფა.
"ეს სიახლე არ არის. ეს ნორმალური პროცესია, რაც ყველა თამაშზე ხდება ხოლმე. არსებობს კორპორატიული ბილეთები და აქ სენსაციური არაფერი არ არის.
თუ არ ვცდები, 22 ათასი ბილეთის გარდა, რომელიც გულშემატკივრებისთვის იყო განკუთვნილი, არსებობდა 5-6 ათასი კორპორატიული
შესაბამისად, მას მიიღებს ყველა სამინისტრო, რომელსაც აქვს გაგზავნილი მოთხოვნა", - განაცხადა კალაძემ უბილეთოდ დარჩენილი გულშემატკივრების პრეტენზიებზე კომენტირებისას, რომელთა ინფორმაციითაც, ბილეთების ნაწილის გაყიდვა არ მოხდა სხვადასხვა სამინისტროსთვის მათი გამოყოფის მიზნით.
მომზადებულია "ინტერპრესნიუსის" მიხედვით
- ყველა ინფორმაცია უეფას სუპერთასთან დაკავშირებით
ეს ყველაზე დიდი % მსოფლიოში ალბათ. თუ უმუშევრობა 30% და საშუალო პენსია 150$ - ხალხი როგორ ინახავს ამდენ - $50,000 წლიურ ხელფასის ბიუროკრატს?