საქართველოს ფეხბურთის ფედერაციის გენერალური მდივანი დავით მუჯირი 26 ოქტომბერს საზოგადოებრივ მაუწყებლის პირველ არხზე გიორგი ზურაბიშვილის გადაცემაში იყო სტუმრად, სადაც ფედერაციაში არსებულ მდგომარეობაზე ისაუბრა.მუჯირის თქმით, ფედერაციას ბევრი გაუგებარი კონტრაქტი აქვს გაფორმებული. ამის მაგალითად სფფ-ის გენერალურმა მდივანმა "მხიარულთა და საზრიანთა კლუბთან" გაფორმებული კონტრაქტი დაასახელა, რომელიც სფფ-ს 100 000 ლარის ვალდებულებად დააწვა.
"100 000 ლარი არის გადარიცხული "მხიარულთა და საზრიანთა კლუბის" ანგარიშზე. ჩემთვის გაუგებარია, რა მომსახურება უნდა გაგვიწიოს ამან", - აღნიშნა მუჯირმა.
