ს.კ. "ზუგდიდის" განცხადება კოსოვოს გუნდთან მატჩის შესახებ

თურქეთში შეკრებაზე მყოფი ს.კ. "ზუგდიდი" ეხმაურება, იმ ინფორმაციას, რომელიც მედიის საშუალებით გავრცელდა.

- სკანდალი: "ზუგდიდმა" საკონტროლო მატჩი კოსოვოს გუნდთან ჩაატარა! [VIDEO+PHOTO]
- სფფ-ის განცხადება "ზუგდიდი"-"ფერონიკელის" სკანდალურ მატჩთან დაკავშირებით

ს.კ. "ზუგდიდი" ადასტურებს, რომ თურქეთში შეკრებაზე, ამხანაგური მატჩი გამართა, კოსოვოს საფეხბურთო კლუბ "ფერონიკელთან", აქედან გამომდინარე ავრცელებს განცხადებას:

"ამ შეხვედრის დაგეგმვის ორგანიზატორებმა და უპირველეს ყოვლისა ჩვენ, არ მივაქციეთ ყურადღება პოლიტიკურ მხარეს, კერძოდ იმას, რომ კოსოვოს რესპუბლიკა, არ არის საქართველოს მიერ აღიარებული ქვეყანა და ჩვენ, მხოლოდ სპორტული პრინციპით ვიმოქმედეთ. მართალია, კოსოვოს რესპუბლიკა აღიარებული ჰყავს,

საქართველოს მთავარ პარტნიორ ქვეყნებს, როგორიცაა, ა.შ.შ, დიდი ბრიტანეთი, გერმანია, საფრანგეთი და ევროკავშირის სხვა ქვეყნები - სულ ასზე მეტ სახელმწიფოს. მიუხედავად ამისა, ვაღიარებთ, რომ ს.კ. "ზუგდიდი"-ს მხრიდან მოხდა პოლიტიკური საკითხისადმი ყურადღების მოდუნება, რის გამოც ვიხდით ბოდიშს".

მომზადებულია fczugdidi.ge-ს მიხედვით