თბილისის "დინამოს" მთავარმა მწვრთნელმა იურაი იარაბეკმა ჩემპიონთა ლიგის მესამე საკვალიფიკაციო ეტაპის მატჩის წინ ჟურნალისტებთან კომენტარი გააკეთა.შეგახსენებთ, რომ ჩემპიონთა ლიგის მესამე საკვალიფიკაციო ეტაპის პირველ მატჩს თბილისის "დინამო" ხვალ ზაგრებში ადგილობრივ "დინამოსთან", თბილისის დროით 22:45 საათზე გამართავს. მატჩის პირდაპირ ტრანსლაციას "საზოგადოებრივი მაუწყებლის" მეორე არხი უზრუნველყოფს.
"ორ "დინამოს" შორის ერთი დიდი სხვაობაა: თქვენ ფავორიტები ხართ, უნდა მოიგოთ და ეს ერთგვარი წნეხია, მაგრამ აქ ჩვენი კოზირებით ჩამოვედით, რის ხარჯზეც მეოთხე ეტაპზე გასვლა შეგვიძლია. იმედი მაქვს, შევძლებთ მეტოქეს სიურპრიზები შევთავაზოთ", - ციტირებს იარაბეკს 24sata.hr.
"ჩვენი მიზანი ჩემპიონთა ლიგაზე მოხვედრაა. აქ დამაკმაყოფილებელი შედეგის მისაღწევად ჩამოვედით. ვეცდებით, გოლი გავიტანოთ. გვესმის, რაოდენ რთული მეტოქე გვყავს, მაგრამ დანებებას არ ვაპირებთ", - განაცხადა შპიჩიჩმა.
![ეროვნული ლიგა. XXXII ტური. "სამტრედია" - "დინამო" (თბ) [LIVE]](/pictures/image7/494df8f84eb70414eaecadac75387bbb.png "ეროვნული ლიგა. XXXII ტური. \"სამტრედია\" - \"დინამო\" (თბ) [LIVE]")
