02.11. ქუთაისი. ცენტრალური, 1000 მაყურებელიტორპედო ბათუმი 1:1
1:0 მეგრელაძე (22. ფარულავას პასით), 2:0 დიასამიძე (85. მალაზონიას პასით)
ტორპედო ბათუმი
4-4-2 4-1-4-1
ქვილითაია მამინაშვილი
დ.ფოფხაძე ფარტენაძე
ფარულავა ხუხია
გამეზარდაშვილი ქორიძე
ჩიკვილაძე მაკარიანი
იოსელიანი ჟვანია
გ.დათუნაიშვილი ცანავა
კუხიანიძე თევდორაძე
თარხნიშვილი მალაზონია
საბანაძე სამსეიშვილი
მეგრელაძე გაბრიჭიძე
მწვრთნელი: მწვრთნელი:
გ. გეგუჩაძე ი. ნასუაშვილი
ტორპედო
82. კუხიანიძე - ტაბატაძე
82. საბანაძე - ბოლქვაძე
90. თარხნიშვილი - მარკოზაშვილი
სათადარიგოები: მიგინეიშვილი, გურული, მირცხულავა, გოცირიძე
ბათუმი
46. თევდორაძე - ა. მუჯირი
78. გაბრიჭიძე- დიასამიძე
83. ცანავა - ბერიძე
სათადარიგოები თ. კაკალაძე, ბაციკაძე, ნ.ნასუაშვილი, რამიშვილი
გაფრთხილება: ჟვანია (84)
არბიტრი:ი.ურუშაძე
"ტორპედოში" გია გეგუჩაძის მისვლის
ზღვისპირელები "ზესტაფონთან" ნაბრძოლ, ოღონდ გადახალისებული შემადგენლობით მოთამაშე მეტოქეს ტოლ-სწორად დაუდგნენ და ზოგ ეპიზოდში უპირატესობასაც ფლობდნენ, თუმცა მაინც მდევრის როლში აღმოჩნდნენ და ანგარიშის გათანაბრება ბოლოსღა მოახერხეს.
ქუთათურებს ამ ფრეს გამო გული დიდად არ დასწყვეტიათ, რადგან პირველი მატჩი 2:0 ჰქონდათ მოგებული და შემდეგ ეტაპზე ზედმეტი ძალების დაუხარჯავად გავიდნენ.
გეგუჩაძემ "ზესტაფონთან" მძიმე მატჩის შემდეგ რამდენიმე წამყვანი ფეხბურთელი დაასვენა და ძირითადში გამოჩნდნენ ქვილითაია, ფარულავა, ჩიკვილაძე, კუხიანიძე, იოსელიანი და მეგრელაძე. შეხვედრის საწყის წუთებში სტუმრები უკეთ გამოიყურებოდნენ და გოლის გატანასთანაც ახლოს იყვნენ. ლაშა გაბრიჭიძე მეკარესთან პირისპირ დარჩა, მაგრამ თამაშს მოწყურებული მაქსიმე ქვილითაია კარგად გაისარჯა და ქუთათურები გოლისგან იხსნა. სამაგიეროდ, შანსი ხელიდან არ გაუშვა ქუთაისელთა გამოცდილმა ფორვარდმა გია მეგრელაძემ, რომელმაც 28-ე წუთზე ფარულავას ფლანგური ჩაწოდების შემდეგ ბურთი ვარდნით გადაგზავნა კარში - 1:0.
გოლმა ბათუმელები არ დააბნია, ისინი ბევრს უტევდნენ, თუმცა რეალურ საგოლე სიტუაციამდე საქმე არ მიდიოდა. 31-ე წუთზე ცანავას ძლიერი დარტყმა ქვილითაიამ ხელებში გააქვავა. ტაიმის ბოლოს კი ჩიკვილაძის კარგი გადაცემის შემდეგ საბანაძეს შეეძლო გატანა, მან ცრუმოძრაობით ორ მეტოქეს აუარა გვერდი, კარშიც დაარტყა, მაგრამ მეკარე შოთა მამინაშვილმა ბურთი კუთხურზე მოიგერია.
მატჩის სცენარი მეორე ტაიმშიც არ შეცვლილა. უპირატესობას სტუმრები ფლობდნენ, თუმცა ხიფათი ორივე კართან თანაბრად იქმნებოდა. 63-ე წუთზე ბათუმელები გოლს გადაურჩნენ, იოსელიანის ჩაწოდების შემდეგ მეგრელაძე თავით ურტყამდა, მაგრამ ააცილა.
სტუმრებმა მატჩის ბოლოს შეტევები გაამწვავეს და ანგარიშის გათანაბრებაც მოახერხეს. დავით მალაზონიას გადაცემით მეკარესთან პირისპირ ნიკა დიასამიძე დარჩა და ქვილითაიას შანსი არ დაუტოვა - 1:1.
მატჩის მიწურულს დიასამიძეს მეორე გოლის გატანა და ბათუმელებისთვის გამარჯვების მოპოვებაც შეეძლო, მაგრამ მეკარემ აღარ დაანება და თამაშიც ფრედ დასრულდა.
ყოველდღიური სპორტული გაზეთი "ლელო"
