საქართველოს დავით ყიფიანის სახელობის თასი - ჯერაც ასე ჰქვია საქართველოს თასის გათამაშებას და შესაძლოა, მალე ეს სახელი აღარ ჰქონდეს. ამ ტურნირს ლეგენდარული დავით ყიფიანის სახელი 2002 წლიდან დაერქვა და რამდენიმე ფინალი ისეთი გამოდგა, დიდი მითქმა-მოთქმა რომ გამოიწვია.
წლეულს ფინალში გორის "დილა" და "ზესტაფონი" შეხვდნენ. თასი "დილას" დარჩა, მაგრამ...
ერთი სიტყვით, წლევანდელი ფინალი სამარცხვინო გამოდგა და ამ ყველაფერმა დავით ყიფიანის ოჯახის სამართლიანი შეშფოთებაც გამოიწვია.
ლეგენდარული ფეხბურთელის შვილმა ლევან ყიფიანმა "ლელოსთან" საუბარშიც დაადასტურა, რომ აღარ სურს, ტურნირს ისევ მამამისის სახელი ერქვას:
"ალბათ,
საქმეს ოფიციალური მსვლელობა უნდა მივცეთ და ვაპირებ, რომ იურისტებთან გავიარო კონსულტაციები.
უნდა დავაზუსტო, რამდენად შესაძლებელია, რომ ოჯახმა იმას მიაღწიოს, ამ ტურნირს დავით ყიფიანის სახელთან არანაირი კავშირი აღარ ჰქონდეს".
მოკლედ, დაველოდოთ მოვლენების განვითარებას. ფეხბურთის ფედერაცია ამ ყოველივეს გამო მართლაც უხერხულ სიტუაციაში აღმოჩნდა, რადგან თუ გაითვალისწინებს დავით ყიფიანის ოჯახის მოთხოვნას, ამით ძალაუნებურად იმის აღიარებაც მოუწევს, რომ წლევანდელი ფინალი საშინელება იყო.
ყოველდღიური სპორტული გაზეთი "ლელო"
ასევე იხილეთ:
გიორგი ყიფიანი: ამ სიბინძურის მონაწილე პირებმა პასუხი უნდა აგონ!
საქართველოს თასი - სამარცხვინო სეზონის ლოგიკური დასასრული
