რუსთავში მოგების შემდეგ "მეტალურგმა" თასის განმეორებითი შეხვედრა ფრთხილად, მაგრამ ისე კარგად დაიწყო, ვერავინ წარმოიდგენდა, საბოლოოდ ტაბლოზე ასეთი შედეგი თუ დაფიქსირდებოდა.გიორგი ყიფიანის გაწვრთნილები ქვეყნის ჩემპიონობადაბრუნებულ "დინამოს" ტოლს არაფერში უდებდნენ, ტემპში აჰყვნენ და საკმაოდ ლამაზი თამაში გვაჩვენეს.
თუმცა დინამოელები მაინც უკეთ გამოიყურებოდნენ და მეტი საგოლე მომენტი შექმნეს.
იხილეთ ვიდეო
ჩისკოსა და გია კვარაცხელიას დარტყმები არაზუსტი გამოდგა. თავის მხრივ, სახიფათო გამოდგა გოგი ფიფიას უძლიერესი გასროლაც, რომელიც გიორგი ლორიამ კუთხურზე მოიგერია.
ანგარიში 21-ე წუთზე გაიხსნა: ჯაბა დვალმა საჯარიმოს რკალთან ბურთი მიკელ ალვაროს დაუგდო, მეორე ტაიმი რუსთაველებმა კვლავ აქტიურად დაიწყეს, მაგრამ მალე მეორე გოლი მიიღეს და მათი ენთუზიაზმიც ჩაცხრა: მარჯვენა ფლანგიდან ალვარომ ჩისკო მოძებნა, რომელმაც მეკარეს დაასწრო - 2:0
ამის შემდეგ დინამოელები სტუმრების კართან აკეთებდნენ ყველაფერს, რასაც მოისურვებდნენ.
ძალიან ლამაზი გამოდგა მესამე გოლი: ჩისკოს კუთხურიდან ჩაწოდებული ბურთი კარისკენ ლევან ხმალაძემ გაუშვა, ალვარომ კი დამატებაზე თავით მიმართულება შეუცვალა - 3:0.
ეფექტური იყო ხმალაძის გოლიც, როდესაც პეტერ გრაიციარის გადაცემით თბილისელთა ნახევარმცველმა მეტოქის საჯარიმოში დასწრებაზე ითამაშა და მახვილი კუთხიდან გაიტანა - 4:0.
თავი გამოიჩინა შეცვლაზე შესულმა გიორგი მერებაშვილმაც, რომელიც ბევრს ეცადა და 87-ე წუთზე საჯარიმოს რკალიდან ბურთი ზუსტად მოჭრა - 5:0.
რუსთაველებმა მხოლოდ ერთი ხეირიანი შეტევა განახორციელეს: კარის წინ უმეთვალყურეოდ დარჩენილ გოგი ფიფიას ანგარიშის შემცირება შეეძლო, მაგრამ ბურთი ძელს მოარტყა.
ამგვარად, 22 მაისს, საქართველოს თასის ფინალში "დინამო" საჩხერის "ჩიხურას" დაუპირისპირდება. თბილისელებმა ჩემპიონობა უკვე მოიპოვეს და ახლა მეორე ტიტულისთვისაც იბრძოლებენ.
ყოველდღიური სპორტული გაზეთი "ლელო"
ასევე იხილეთ:
მეტალურგი-დინამო თბ 2:1 - ერთადერთი გზა ევროტურნირებისკენ [VIDEO]
