9 მარტს საქართველოს თასის გათამაშების 1/4-ფინალის ორი საპასუხო შეხვედრა გაიმართა. ტურნირის ნახევარფინალში საჩხერის "ჩიხურა" და "ცხინვალი" გავიდნენ."ჩიხურამ" ივანწმინდაში რუსთავის "მეტალურგს" უმასპინძლა და დამაჯერებლად იმარჯვა - 3:0 (პირველი მატჩი 0:0).
ანგარიში მე-6 წუთზე თორნიკე მუმლაძემ გახსნა, ტაიმის მიწურულს კი სხვაობა ევგენი ტროიანოვსკიმ (44-ე წუთი) გაზარდა. მატჩის საბოლოო ანგარიში დენის დობროვოლსკიმ 59-ე წუთზე დააფიქსირა.
"ვიტ ჯორჯიასა" და "ცხინვალის" საპასუხო დაპირისპირებაც, პირველის მსგავსად, უხვგოლიანი გამოდგა და საბოლოოდ სტუმართა გამარჯვებით, 4:1 დასრულდა (პირველი მატჩი 4:5).
"მცხეთა პარკზე" გამართულ მატჩში დუბლი რატი ცაცკრიალაშვილმა შეასრულა
1/4-ფინალის საპასუხო კიდევ ორი შეხვედრა, რომელშიც "ტორპედო" ქუთაისში "სამტრედიას" მიიღებს, ხოლო თბილისის "დინამო" - გორის "დილას", მოგვიანებით გაიმართება.
![ტორპედო-ჩიხურა 0:2 - მეტი იღბალი და კონტრშეტევის ძალა [VIDEO]](/pictures/image7/1b5124adabd7e2bc203e369585366a54.jpg "ტორპედო-ჩიხურა 0:2 - მეტი იღბალი და კონტრშეტევის ძალა [VIDEO]")
