ესპანეთის უმაღლესმა სასამართლომ "ბარსელონას" არგენტინელ ფორვარდ ლიონელ მესის საქმეზე გადაწყვეტილება გამოიტანა.ესპანეთის უზენაესმა სასამართლომ ძალაში დატოვა საფეხბურთო კლუბ "ბარსელონას" ფეხბურთელ ლიონელ მესისთვის გამოტანილი 21-თვიანი პატიმრობის განაჩენი. აღნიშნულის შესახებ ესპანეთის უზენაესი სასამართლოს განცხადებაშია ნათქვამი.
განცხადებაში აღნიშნულია, რომ ფეხბურთელის მამას, ხორხე ორასიო მესის პატიმრობის ვადა 21 თვიდან 15 თვემდე შეუმცირდა, ხოლო ლიონელ მესის 21-თვიანი პატიმრობის ვადა ძალაში დარჩა. ასევე ძალაში დარჩა 2.1 მილიონი ევროს ოდენობის ჯარიმა, რომელიც ლიონელ მესიმ უნდა გადაიხადოს.
ლიონელ მესის ბრალი სახელმწიფო ხაზინის წინააღმდეგ ჩადენილ დანაშაულში ედებოდა.
ბარსელონას სასამართლომ
ლიონელ მესისა და მამამისს ბრალი ედებოდათ გადასახადების გადახდისთვის თავის არიდებაში.
პროკურატურის ინფორმაციით, მათ სახელმწიფოს ხაზინაში 4.1 მილიონი ევროს ოდენობის გადასახადი არ შეიტანეს. გამოძიების მონაცემებით, ლიონელ მესიმ მოგების გადასახადი 2007, 2008 და 2009 წლებში არ გადაიხადა. სასამართლოზე მესიმ განაცხადა, რომ ფინანსური საკითხებით მამამისი იყო დაკავებული, ხოლო ის არასოდეს ინტერესდებოდა გადასახადების საკითხით.
აღსანიშნავია, რომ პროკურატურა თავიდან 3-წლიან პატიმრობას ითხოვდა მესისთვის და მისი მამისთვის.
