"ატლეტიკოს" ფორვარდმა დიეგო ფორლანმა ხაზი გაუსვა, რომ მზადაა იტალიური კლუბების შემოთავაზებები განიხილოს. ადრე ურუგვაელ თავდამსხმელს "მანჩესტერ იუნაიტედს" უკავშირებდნენ. "ტერეკის" წარმომადგენლები კი ამტკიცებდნენ, რომ ის გროზნოში გადასვლაზე თანახმა იყო, მაგრამ ძალიან მაღალ ხელფასს ითხოვდა."სერია А-ში გადასვლას არ გამოვრიცხავ. თუ ჩემი და კლუბის მისამართით კარგი წინადადება იქნება, ჩვენ მას აუცილებლად განვიხილავთ. ამასთან მხოლოდ ეკონომიკურ მხარეზე არ ვსაუბრობ, კლუბი, რომელიც ჩემს შეძენას ისურვებს, თავის წინაშე დიდ მიზნებს უნდა ისახავდეს", - განაცხადა ფორლანმა.
მომზადებულია La Gazzetta dello Sport-ის მიხედვით
