"ბარსელონას" ახალი მთავარი მწვრთნელის, ერნესტო ვალვერდეს პირველმა სამუშაო დღემ კლუბის სატრანსფერო მიზნების ცვლილება გამოიწვია.Sport-ის ცნობით, ვალვერდეს ახალ სპორტულ დირექტორთან, პეპ სეგურასთან შეხვედრის შედეგად გადაწყდა, რომ "ბარსელონა" ექტორ ბელერინზე უარს ამბობს. კატალონიელები, სავარაუდოდ, "ბენფიკას" მარჯვენა მცველზე, ნელსონ სემედუზე გადაერთვებიან.
- "გუანჩჟოუ" "ბარსელონას": მოიცადეთ იანვრამდე!
ვალვერდემ ასევე დაადასტურა მისი სურვილი, რომ გუნდმა ჩინეთში მოთამაშე ბრაზილიელი ნახევარმცველი პაულინიო დაიმატოს. ფეხბურთელის გამოსასყიდი თანხა 40 მილიონი ევროა. "ბარსა" მის 20 მილიონად შეძენას ცდილობდა, მაგრამ უშედეგოდ. მთავარ მწვრთნელთან საუბრის შემდეგ სპორტულმა დირექტორმა "გუანჩჟოუს" 27-მილიონიანი შეთავაზება
ასევე ვრცელდება ინფორმაცია, რომ ვალვერდე გუნდის ახალწვეულის, ჟერარ დეულოფეუს შესაძლებლობებში დარწმუნებული არაა. ის 23 წლის შემტევს გუნდურ თამაშს უწუნებს.
- "ბარსელონამ" 19 წლის ბრაზილიელი დაიმატა
ერთ-ერთ მთავარ საკითხად, ბუნებრივია, მარკო ვერატის ტრანსფერი რჩება. კატალონიელები კვლავ მზად არიან, იტალიელს 31 აგვისტოს ჩათვლით დაელოდონ, მაგრამ უცნობია, რითი დაიზღვევენ ისინი თავს, თუ მიზანს მაინც ვერ მიაღწევენ. პსჟ-ის პოზიციის გათვალისწინებით, დიდი შანსია, "ბარსამ" ვერატი ვერ იყიდოს.
