"ატლეტიკოს" არგენტინელმა ფორვარდმა სერხიო აგუერომ ზედ მადრიდული დერბის წინ თავისი ახალი ბუცების პრეზენტაცია მოაწყო - გუშინ "სერო დელ ესპინოს" ბაზაზე მან უკვე ამ ახალი ბუცებით ითამაშა, რომელთაც პირველად "რეალის" წინააღმდეგ "დააჭაშნიკებს". ბუცები მჭახე ფერებშია "გადაწყვეტილი" და მას "ბენხამინ - 10" აწერია. ბენხამინი მისი ვაჟის (დიეგო მარადონას შვილიშვილის) სახელია, რატომ ათიანი? ალბათ საკითხავიც არაა. აგუერომ "ტვიტერზე" დაწერა, რომ იმედოვნებს ბუცები "ატლეტიკოს" ფანებს მოეწონებათ, ხოლო "ვისენტე კალდერონზე" ისინი პატრონს წარმატებას მოუტანენ.
