"რეალის" მთავარმა მწვრთნელმა ჟოზე მოურინიომ ესპანეთის ჩემპიონატის 29-ე ტურის გასვლით მატჩში "ატლეტიკოს"(2:1) დამარცხების შემდეგ ამ შეხვედრის მნიშვნელობაზე ისაუბრა. პორტუგალიელი სპეციალისტის თქმით, ის თავისი შეგირდებით ამაყობს, რადგან მათ ხასიათის სიმტკიცე გამოავლინეს და დადებით შედეგს მიაღწიეს."ძალიან მნიშვნელოვანი გამარჯვება მოვიპოვეთ. იოლი შეხვედრა არ ყოფილა, ფეხბურთელები დაღლილები იყვნენ. არბიტრმა მოედანზე დაძაბული და მძაფრი ბრძოლის მიუხედავად, უბრალოდ ბრწყინვალედ იმუშავა.
შესანიშნავად ითამაშა კასილასმა, თუმცა არ მომეწონა, რომ მცველები მეტოქეს მისი კარის მისამართით დარტყმის საშუალებას ხშირად აძლევდნენ. ნებისმიერ შემთხვევაში ჩემი გუნდით ვამაყობ", - განაცხადა მოურინიომ.
მომზადებულია Marca-ს მიხედვით
