ამ შაბათ-კვირის ტური ესპანურ პრიმერადივიზიონში კალენდრის მიხედვით ჩატარდება - მადრიდის სასამართლომ ესპანეთის პროფესიული ფეხბურთის ლიგას (LFP) გაფიცვის უფლება არ მისცა. ამას წინათ "სევილიას" ბოსები მედიასთან საუბარში ამობდნენ, რომ სიტუაცუა ესპანურ ფეხბურთში მხოლოდ სატირალი აღარ არის, უკვე ძალზე სასაცილოცაა და მთელი ევროპა დაგვცინის კიდეცო. მართლაც, წარმოიდგინეთ, ორგანიზაცია, რომელიც ჩემპიონატის ორგანიზატორია, თავად არის გაფიცვის წამომწყები, მას კი... კლუბები უჩივიან, ნუ იფიცებითო.
შეგახსენებთ, რომ LFP-ს დადგენილება 30-ე ტურის ივნისში გადადების შესახებ, მადრიდის სასამართლოში 6-მა კლუბმა, "ვილიარეალმა", "ბილბაომ", "რეალ სოსიედადმა", "სარაგოსამ", "ესპანიოლმა" და "სევილიამ",
ამ ტურში ყველაზე საინტერესო მატჩი ვალენსიის მხარეში, "ელ მადრიგალზე" შედგება, სადაც მესამეადგილოსანი "ვილიარეალი" ჩემპიონ "ბარსელონას" უმასპინძლებს. თუკი იქ "ბარსას" ფეხი დაუცდება, საჩემპიონო რბოლა უკიდურესად დაიძაბება, ახლა კი კატალონიელები "რეალს" 5 ქულით უსწრებენ.
