"სამეფო კლუბს" აუტსაიდერ ხიხონის "სპორტინგთან" შაბათს გასამართი პრიმერადივიზიონის საშინაო მატჩის წინ სამწუხარო ამბავი შეატყობინეს. როგორც ირკვევა, ჟოზე მოურინიოს ხიხონელებთან გუნდის გაყვანა პორტუგალიელი ვარსკვლავის, კრიშტიანო რონალდოს გარეშე მოუწევს, რადგან მას ტრავმა ისევ აწუხებს. პორტუგალიელმა ფორვარდმა მადრიდელთა პარასკევს გამართულ ვარჯიშში მონაწილეობა ვერ მიიღო და გუნდისგან განცალკევებით ინდივიდუალურად ირჯებოდა.
ერთი სიტყვით, მოურინიო "ხიხონთან" სამატჩო შემადგენლობას მოგვიანებით გამოაცხადებს, მაგრამ იმის ალბათობა, რომ მასში რონალდო მოხვდება, ძალიან მცირეა.
მომზადებულია goal.com-ის მიხედვით
