პრიმერადივიზიონის მაჩანჩალა "ალმერიამ" ახალი მწვრთნელი დანიშნა, ის ბასკი სპეციალისტი რობერტო ოლაბეა. ამ სეზონის დაწყებიდან ლა ლიგაში 8 მწვრთნელი გაათავისუფლეს და აქედან ორი "ალმერიაში". რაც გასაკვირი სულაც არ არის, ანდალუსიური კლუბი 26 ქულით ცხრილის ბოლო ადგილზეა. "ალმერიას" მხსნელ, მე-17 ადგილამდე 4 ქულა აშორებს. არადა, სულ 8 ტურიღა დარჩა, მათ შორის ვიზიტი "კამპ ნოუზე" - შაბათს აუტსაიდერი ლიდერს ეწვევა, რომელთანაც შინ 0:8 წააგო.
ხოსე ლუის ოლტრა ბილბაოს "ატლეტიკთან" ორშაბათის მატჩს შეეწირა, რომელიც "ალმერიამ" მშობლიურ "მედიტერანეოზე" 1:3 წააგო.
მეორე დილით ოლტრამ ვარჯიში, რომ
ანდალუსიელები უმწვრთნელოდ დღეზე მეტი არ დარჩენილან, გუშინ რობერტო ოლაბე ამ სეზონში "ალმერიას" მესამე მთავარი მწვრთნელი გახდა. აგვისტოდან ნოემბრამდე ეს მძიმე ჭაპანი ხუან მანუელ ლილომ ზიდა, ნოემბრიდან დღემდე - ოლტრამ. გუნდი საშინლად ასპარეზობს მიუხედავად იმისა, რომ შემტევ სტილს არ ღალატობს და კარში პრიმერა დივიზიონის ერთ-ერთი საუკეთესო მეკარე, ბრაზილიელი დიეგო ალვეში ჰყავს. "ალმერიას" ერთადერთი გამონათება ესპანეთის თასის ნახევარფინალში გასვლა იყო, რაც ამ არცთუ დიდი ტრადიციების გუნდის (1988 წელს არის დაარსებული) ყველაზე დიდი მიღწევაა.
43 წლის ოლაბემ პირველი ვარჯიში გუშინ ჩაატარა, მედიას კი დღეს წარუდგენენ. ბასკი მხოლოდ სეზონის ბოლომდე უთავკაცებს "ალმერიას". სხვათა შორის, ის აქამდე კლუბის სპორტული დირექტორი იყო და კარგად იცნობს შიდა სამზარეულოს. ყოფილ მეკარეს 2005 წლის შემდეგ მწვრთნელად არ უმუშავია (მანამდე "რეალ სოსიედადს" და "ეიბარს" წვრთნიდა). ოლაბემ ასისტენტად მიკელ ანტია აიყვანა.
2010/11 წლების სეზონის სამწვრთნელო ცვლილებები
თარიღი გათავისუფლებული კლუბი დანიშნული
26 სექტ. ანტონიო ალვარესი სევილია გრეგორიო მანსანო
2 ნოემბ. ჟეზუალდო ფერეირა მალაგა მანუელ პელეგრინი
17 ნოემბ. ხოსე აურელიო გაი სარაგოსა ხავიერ აგირე
20 ნოემბ. ხუანმა ლილო ალმერია ხოსე ლუის ოლტრა
7 თებერ. მიგელ ანხელ პორტუგალი რასინგი მარსელინო
14 თებერ. ხოსე ანტონიო კამაჩო ოსასუნა ხოსე ლუის მენდილიბარი
20 მარტი ესტებან ვიგო ერკულესი მიროსლავ ჯუკიჩი
5 აპრილი ხოსე ლუის ოლტრა ალმერია რობერტო ოლაბე
ალმერიას სტატისტიკა ამ სეზონში
მეკარე: დიეგო ალვეში (30 თამაში)
მცველები: კარლოს გარსია (27, 1 გოლი), მიშელ მასედო (24), მარსელო სილვა (16, 1), აკასიეტე (16), იაკობსენი (16), ლუნა (6), ლილო (2), პელერანო (2), რიგო (1).
ნახევარმცველები: მბამი (28, 1), კრუსატი (27, 3), ბერნარდელო (26, 1), კორონა (22, 1), ხუანმა ორტისი (19), ვარგასი (17, 1), ვალერი (9), ფეგული (8, 2), ხუანიტო (4), ნიეტო (1).
თავდამსხმელები: პიატი (28, 7), ულოა (28, 7), კალუ უჩე (25, 5), გოიტომი (22, 1), ხოსე ორტისი (12).
