მადრიდის "ატლეტიკოს" მთავარ მწვრთნელ კიკე ფლორესს კლუბთან კონტრაქტი ზაფხულში უმთავრდება. როგორც "მარკა" ირწმუნება, ამით "ატლეტიკოს" ბოსები მასთან ურთიერთობას დაასრულებენ. 46 წლის მწვრთნელი 2009 წლის ოქტომბერში მიიწვიეს მადრიდულ კლუბში. შარშან მაისში მან "ატლეტიკოს" ევროპის ლიგა მოაგებინა, მას შემდეგ, რაც ფინალში ინგლისური "ფულჰემი" 2:1 დაამარცხა.
ახალ სეზონში კი გუნდის საქმეები ვერ აეწყო. შემადგენლობის მიხედვით პრიმერას ერთ-ერთი საუკეთესო გუნდი ლიდერთა შორის არაა და ევროსაგზურის მოპოვების არცთუ კარგი შანსი აქვს. ამბობენ, უკვე თვეებია, რაც მიგელ ანხელ ხილსა და ენრიკე სერესოს აღარ სჯერად
კიკე ფლორესის სავარაუდო შემცვლელად ოთხ მწვრთნელს ასახელებენ, ოთხივე ახლაც პრიმერას გუნდის თავკაცია. ესენია: გრეგორიო მანსანო (სევილია), ხოაკინ კაპაროსი (ბილბაო), უნაი ემერი (ვალენსია) და ლუის გარსია (ლევანტე).
