ესპანეთის ნაკრები ვისენტე დელ ბოსკეს ხელმძღვანელობით უკვე ბოსტონშია. შაბათს მსოფლიოს ჩემპიონი იქ, "ჯილეტ სტედიუმზე" ამხანაგურ მატჩს გამართავს ამერიკის ნაკრების წინააღმდეგ. დელ ბოსკემ ამერიკაში 23 ფეხბურთელი იახლა, მათ შორის ერთი დებიუტანტია - "ხეტაფეს" ყოფილი კაპიტანი და "სევილიას" ახალწვეული მანუ დელ მორალი. შაბათის მატჩის შემდეგ ესპანელები ვენესუელაში, პუერტო დე ლა კრუსში გაემგზავრებიან, სადაც ოთხშაბათს ამხანაგურ მატჩს ვენესუელის ნაკრებთან გამართავენ.
