ჟოზე მოურინიო მორიგ სკანდალში გაეხვა - "სპორტინგთან" მატჩის ერთ-ერთ ეპიზოდში სათადარიგოთა სკამებთან ჩოჩქოლი ატყდა. ტელეკამერებმა "რეალის" პორტუგალიელი თავკაცი დააფიქსირეს, რომელიც ჟესტიკულაციით ვიღაცაზე უთითებდა - გიჟიაო. 
ვიდეო თურმე, მოუს და მის ასისტენტ რუი ფარიას ინციდენტი "სპორტინგის" სათადარიგო ფეხბურთელებთან მოსვლიათ. ეს ფარია საერთოდ დიდად სკანდალური ვინმეა, ყველაზე ხშირად მას აძევებენ მსაჯები.
პირველ ტაიმში, როცა "სპორტინგი" იგებდა, "სპორტინგის" სათადარიგო სკამიდან პეპეს ბურთი ესროლეს. სწორედ მათ მიეჭრა პორტუგალიელი. ხავიერ კლემენტეს ერთ-ერთმა ასისტენტმა მოუბოდიშა მას, მაგრამ "განსაკუთრებულმა" უკმეხად აიქნია ხელი, რასაც უკვე გაწევ-გამოწევა მოჰყვა. "სპორტინგის" სათადარიგო
მსაჯმა ამ ეპიზოდში სამი ყვითელი ბარათი დაარიგა: მოურინიოს, ფარიას და კიდევ ერთ სათადარიგო სპორტინგელს, ივან კუელიარს.
ყოველდღიური სპორტული გაზეთი "ლელო"
