ვარშავაში, უეფას მიერ მოწყობილ ევროპის ეროვნულ ნაკრებთა მწვრთნელების მე-10 კონგრესზე ვისენტე დელ ბოსკეს 50 ქვეყნის თავკაცი ფეხზე წამოუდგა და ხანგრძლივი ოვაციით მიეგება. პრინციპში, ამაზე დიდი ჯილდო მწვრთნელისთვის ალბათ არ არსებობს.
სამშობლოში დაბრუნებულ 61 წლის მარკიზს "მარკა" გაესაუბრა:
- როგორ მიიღეთ ასეთი დაფასება კოლეგებისგან?
- კარგად, რადგან არ მივიჩნევ, რომ ის ოვაცია მხოლოდ მე მეკუთვნის პერსონალურად - ის ჩვენი გუნდისა და მთლიანად ესპანური ფეხბურთის დამსახურებაა.
- როცა თქვენი კოლეგები თქვენზე საუბრობენ, ყველაზე ხშირად ჯენტლმენს ახსენებენ...
- მადლიერი ვარ პიროვნული და სპორტული
- როცა სხვადასხვა კულტურის, ასაკისა და მენტალიტეტის ადამიანები გაფასებენ, კაპელო, ჰოჯსონი, ვან გაალი...
- მოხარული ვარ, თუმცა ერთი წუთითაც არ მავიწყდება, რომ თუკი მსურს ეს გაგრძელდეს, უნდა ვიშრომოთ, მოვიგოთ თამაშები, შევინარჩუნოთ მაღალი დონე.
- კოლეგებს რას ეუბნებით, როგორ მუშაობთ ეროვნულ ნაკრებში?
- არ არსებობს უნივერსალური ტიპის ფეხბურთი, არ შეიძლება ყველამ ბურთის გორებით მიაღწიოს შედეგს, ზოგჯერ ძალიან ეფექტურია შორეული პასებით და მიზანმიმართული შეტევებით თამაში. ვამბობ, რომ უნივერსალური რეცეპტი არა მაქვს, ჩვენი მეთოდი არც ერთადერთია და არც საუკეთესო.
- თქვენ ხელში წიგნი შევნიშნეთ, რას კითხულობთ?
- "ორის ცხოვრება". იცით ვისი დაწერილია? პიკეს მამის - ფანტასტიკურია!
- შეგიძლიათ წარმოიდგინოთ მომავალში ესპანეთისა და კატალონიის საფეხბურთო დაპირისპირება?
- არა, არ შემიძლია. ეს ის საკითხია, რომელზე საუბარიც არ მსიამოვნებს, მაგრამ მინდა ვთქვა ერთი რამ - ვცდილობ, გავუგო კატალონიელებს.
მათ თავიანთი თავისუფლება აქვთ, მათ შეუძლიათ თავიანთი იდეალების დაცვა აგრესიის გარეშე.
მე რომ ძალაუფლება მქონდეს, რაც არ გამაჩნია, ყველაფერს გავიღებდი, რომ ესპანელებსა და კატალონიელებს შორის თუნდაც ოდნავ მაინც უკეთესი ურთიერთობა იყოს.
ყოველდღიური სპორტული გაზეთი "ლელო"
ასევე იხილეთ:
კატალონია რომც გამოეყოს ესპანეთს, "ბარსელონა" მაინც ლა ლიგაში ითამაშებს
ჟოან ლაპორტა: "ბარსელონას" პრეზიდენტად დაბრუნება დამოუკიდებელ კატალონიაში მინდა
