"ბარსელონას" მთავარმა მწვრთნელმა ტიტო ვილანოვამ საოპერაციოში შესვლამდე ფეხბურთელებს მიმართა და თავის ჯანმრთელობის მდგომარეობაზე იმედიანად ისაუბრა."შეგიძლიათ ჩემ გამო მშვიდად იყოთ. ამჟამად ჩემი ჯანმრთელობის მდგომარეობა არცთუ ისე სერიოზულია, როგორც უწინ იყო. ახლა სიმსივნე ისეთ ადგილზეა, რომ მისი მკურნალობა იოლია", - აქვეყნებს ვილანოვას სიტყვებს Marca.
"ახლა ისე უნდა იყოთ ერთ მუშტად შეკრულნი, როგორც არასდროს და უწინდებური შემართებით უნდა გააგრძელოთ მუშაობა", - ამ სიტყვებით კი ფეხბურთელებს "ბარსელონას" პრეზიდენტმა სანდრო როსელმა მიმართა, რის შემდეგაც გუნდს ვარჯიშზე მთავარი მწვრთნელის ასისტენტი ხორდი როური გაუძღვა.
20 დეკემბერს
ჰოსპიტალიზაციის პერიოდი 3-4 დღით განისაზღვრა, თუმცა 6 კვირის განმავლობაში ტიტოს ქიმიო და სხივური თერაპიის კურსის ჩატარება მოუწევს.
ასევე იხილეთ:
20 დეკემბერს ტიტო ვილანოვას სიმსივნის ოპერაციას გაუკეთებენ
