26 წლის კევინ გამეირო ოფიციალურად "სევილიას" წევრია, ფრანგმა ფორვარდმა ანდალუსიურ კლუბთან 5-წლიანი ხელშეკრულება გააფორმა. უკვე ვწერდით, რომ "სევილიამ" "მანჩესტერ სიტიში" წასული ალვარო ნეგრედოს შემცვლელად "პარი სენ-ჟერმენის" ფორვარდი შეარჩია და მის შესაძენად დაახლოებით 10 მილიონი ევრო გადადო.
"სევილიასთან" გაფორმებული ხელშეკრულების მიხედვით, გამეიროს მსურველ კლუბს 40 მილიონი ევროს გადახდა მოუწევს.
ფეხბურთელმა შვედეთში მიატოვა პსჟ-ს საწვრთნელი შეკრება და სევილიაში გამოცხადდა, წარმატებით გაიარა სამედიცინო შემოწმება და "სანჩეს პისხუანზე" სპეციალურად მის სანახავად შეკრები 3 ათას ფანსაც წარუდგა.
გამეირო "სტრასბურსა" და "ლორიანში" თამაშობდა, 2011 წელს კი
ლიგა 1-ის ორ სეზონში მან 59 მატჩში 19 გოლი გაიტანა, მაგრამ პსჟ-ში ედინსონ კავანის გამოჩენის შემდეგ ძირითადში მოხვედრის პერსპექტივა ძალზე შეუმცირდა. საფრანგეთის ნაკრების 8 შეხვედრაში კევინ გამეირომ 1 გოლი გაიტანა.
ყოველდღიური სპორტული გაზეთი "ლელო"
ასევე იხილეთ:
კევინ გამეირო "სევილიაში" ითამაშებს
