"ჰალა მადრიდ", - ესპანურად მიესალმა გარეთ ბეილი "სანტიაგო ბერნაბეუზე" შეკრებილ პუბლიკას, როდესაც მადრიდის "რეალმა" 24 წლის უელსელი კლუბის ახალ ფეხბურთელად წარადგინა და 11-ნომრიანი მაისურა გადასცა.ასე დასრულდა სატრანსფერო საგა, რომელიც თვეები გრძელდებოდა. გარეთ ბეილის ტრანსფერი, რომელიც ინგლისური წყაროების მტკიცებით (ოფიციალურად "რეალი" არ იუწყება სატრანსფერო თანხას) მსოფლიოს ახალი რეკორდია, ბოლო დღეს, 2 სექტემბერს გაფორმდა.
ბეილში "სამეფო კლუბმა" 85.3 მილიონი ფუნტი სტერლინგი (ანუ 100 მილიონი ევრო) გადაიხადა. ეს კი 2009 წლის მსოფლიოს რეკორდია - კრიშტიანო რონალდო "მანჩესტერ იუნაიტედიდან" "რეალში" (94 მილიონი ევრო)
"ტოტენჰემში" 6 ფანტასტიკური წელიწადი გავატარე, ახლა კი წასვლის დროა", - განაცხადა ბეილმა, რომელმაც 2 სექტემბერს წარმატებით გაიარა სამედიცინო შემოწმება და ჟურნალისტებსაც წარუდგა.
უელსელმა 6-წლიანი ხელშეკრულება გააფორმა. ის კვირაში 300 ათას ფუნტ სტერლინგს მიიღებს.
"რეალში" თამაში ჩემი ოცნება იყო, რომელიც ასრულდა. მადლობა ყველას დიდებული დახვედრისთვის, ჰალა მადრიდ!" - განაცხადა მან პრესკონფერენციაზე, რომლის შემდეგაც "სანტიაგო ბერნაბეუს" მინდვრის საფარი "დააგემოვნა".
ბეილის პრეზენტაციას სტადიონზე "რეალის" 20 ათასზე მეტი ფანი დაესწრო.
იხილეთ ვიდეო
ასევე იხილეთ:
არის ახალი მსოფლიოს რეკორდი - გარეთ ბეილი მადრიდელია
![კვლავ ფორმაშია! - შოთა არველაძემ მადრიდის "რეალს" გაუტანა [VIDEO]](/pictures/image7/2d1f3aeb1efc7b85ecbdcc72c2873bff.png "კვლავ ფორმაშია! - შოთა არველაძემ მადრიდის \"რეალს\" გაუტანა [VIDEO]")
