მადრიდის "რეალის" მთავარმა მწვრთნელმა კარლო ანჩელოტიმ ესპანეთის ჩემპიონატის 12-ე ტურში, სტუმრად "რაიო ვალეკანოსთან" მოპოვებული გამარჯვების შემდეგ, მეორე ტაიმში თავისი შეგირდების გარჯით უკმაყოფილება გამოხატა."რეალი" კრიშტიანო რონალდოს დუბლისა და ქარიმ ბენზემას გოლის წყალობით ანგარიშში 3:0 დაწინაურდა, თუმცა მასპინძლებმა პენალტიდან ხონათან ვიერას ორი ზუსტი დარტყმით ანგარიშში სხვაობა ერთ ბურთამდე შეამცირეს.
იხილეთ ვიდეო
"ისე ჩავარდნა, როგორც ეს ბოლო ორ თამაშში "რეალს" ემართება, დაუშვებელია. თანაც, ეს დამთხვევა სულაც არაა. იმას, რასაც ჩვენი დაცვა მეორე ტაიმში აკეთებდა, კატასტროფა ჰქვია.
წესით, ასეთ რაღაცეებს გასახდელში უნდა ვამბობდე,
ამ დონის გუნდი ქულების დაკარგვას არ უნდა რისკავდეს, როდესაც პირველი ტაიმის შემდეგ ანგარიშით 3:0 იგებს. ასეთ დროს ფიქრი, რომ ყველაფერი მომთავრებული გაქვს, უდიდესი შეცდომაა. ეს ფეხბურთი არაა!
ეს უკვე მეორედ მოხდა და დარწმუნებული ვარ, მსგავს შეცდომებს "რეალი" აღარ დაუშვებს", - აქვეყნებს ანჩელოტის ნათქვამს Goal.com.
![კვლავ ფორმაშია! - შოთა არველაძემ მადრიდის "რეალს" გაუტანა [VIDEO]](/pictures/image7/2d1f3aeb1efc7b85ecbdcc72c2873bff.png "კვლავ ფორმაშია! - შოთა არველაძემ მადრიდის \"რეალს\" გაუტანა [VIDEO]")
