მადრიდის "რეალის" მთავარმა მწვრთნელმა კარლო ანჩელოტიმ განაცხადა, რომ საშუალებაც რომ ჰქონდეს, მაინც არ მოინდომებს "ბარსელონას" თავდამსხმელის, ლიონელ მესის გადაბირებას.იტალიელი სპეციალისტი მიიჩნევს, რომ "სამეფო კლუბის" შეტევითი პოტენციალი ისედაც საკმარისად მაღალია.
"რომ იყოს "რეალისთვის" ახალი ფეხბურთელის შეძენის შესაძლებლობა, ის ნამდვილად არ იქნებოდა მესი. მე უფრო სხვა პოზიციის გაძლიერებას ვამჯობინებდი.
როდესაც შენს განკარგულებაში კრიშტიანო რონალდოა, რაღაში გჭირდება მესი?
კრიშტიანო ისევე მონდომებით ვარჯიშობს, როგორც კლუბის ახალგაზრდები. ის ღმერთმა მართლაც გამორჩეული თვისებებით დააჯილდოვა", - თქვა ანჩელოტიმ.
