28 დეკემბერს ესპანეთში სიცილის დღე აღინიშნება და ამასთან დაკავშირებით, ადგილობრივი პრესა საფეხბურთო თემაზეც ხუმრობს ხოლმე. ასე მაგალითად, გაზეთმა El Mundo Deportivo-მა საფეხბურთო ფორმის ესკიზი გამოაქვეყნა, რომლითაც, წყაროს ცნობით, "ბარსელონა" 2016/17 წლების სეზონის მატჩებს ჩაატარებს.
"თითოეული მაისურა 183 ევრო ეღირება. ზურგზე გვარითა და ნომრით - 210 ევრო. ორი მაისურის შეძენის შემთხვევაში ფასდაკლება 25 ცენტი იქნება.
მაისურზე დაჯავშნულია ადგილი გენერალური სპონსორისთვის, რომელიც ამჟამად Qatar Airways-ია. თუმცა, კომპანიას "ბარსელონასთან" კონტრაქტი სწორედაც რომ 2016 წელს ეწურება", - წერს გამოცემა.
