კოპა დელ რეი. 1/8-ფინალი. I მატჩები: "ბარსელონამ" "ელჩე" გაანადგურა [VIDEO]

8 იანვარს ესპანეთის სამეფო თასის ორი მერვედფინალური მატჩი გაიმართა.

ლუის ენრიკეს "ბარსელონამ" 5:0 გაანადგურა "ელჩე" და საპასუხო მატჩი ფორმალობად აქცია. ნეიმარმა დუბლი შეასრულა, ხოლო ლიონელ მესიმ პენალტი გაიტანა და ორი საგოლე პასიც მიითვალა. თითო გოლი და საგოლე პასი ლუის სუარესის და ჟორდი ალბას ანგარიშზეა.

საპასუხო შეხვედრა 16 იანვარს ელჩეში გაიმართება. წყვილის გამარჯვებული კი, რომლის ვინაობა პრაქტიკულად გარკვეულია, 1/4-ფინალში მადრიდული "რეალისა" და "ატლეტიკოს" დუელში მოგებულს დაუპირისპირდება.

უნაი ემერის "სევილიამ" სტუმრად 2:1 დაამარცხა ანდალუსიურ დერბიში "გრანადა" და ცალი ფეხით მეოთხედფინალშია.

კოპა დელ

რეი. 1/8-ფინალი. I მატჩები
8 იანვარი
გრანადა-სევილია 1:2
გოლები: 0:1 დეულოფეუ (32), 0:2 გამეირო (53), 1:2 ბანგურა (92)
გრანადა (4-4-2): ბ. ფერნანდესი - ნიომი, ბაბენი, მაინსი, ფულკიე - ედი, იტურა, იუსტე (53. მარე), ა. სისოკო (61. ბანგურა) - საქსესი, რიკი (74. აბოაგი)
სევილია (4-2-3-1): რიკო - ფიგეირაში, არიბასი, პარეხა (75. კოლოძეიჩაკი), ფ. ნავარო - კრიხოვიაკი, იბორა - დეულოფეუ, ბანეგა (63. ასპასი), ვიტოლო (67. ა. ვიდალი) - გამეირო

ბარსელონა-ელჩე 5:0
გოლები: 1:0 ნეიმარი (35), 2:0 სუარესი (40), 3:0 მესი (45-პენ), 4:0 ალბა (56), 5:0 ნეიმარი (59)
ბარსელონა (4-3-3): ტერ შტეგენი - დ. ალვეში, პიკე (76. სამპერი), ბარტრა, ალბა (61. ადრიანო) - რაკიტიჩი, მასკერანო, რობერტო - ლ. სუარესი, მესი, ნეიმარი (67. პედრო)
ელჩე (4-1-4-1): ტიტონი - დ. სუარესი, პელეგრინი, როკო, სისმა (73. ფრაგაპანე) - ლომბანი - ფაირი, პაშალიჩი, კორომინასი (60. ა. ნიგესი), ალბაკარი - ერერა (60. ჟონათასი)

ყოველდღიური სპორტული გაზეთი "ლელო"