მადრიდის "რეალის" ფეხბურთელი გარეთ ბეილი ამბობს, რომ ის მადრიდული ცხოვრებით ბედნიერია და არ სურს "მანჩესტერ იუნაიტედში" გადასვლა.უკანასკნელ თვეებში უელსელ გარემარბს აქტიურად უკავშირებდნენ ინგლისურ პრემიერლიგას, კონკრეტულად კი, მის მომდევნო ნავსაყუდელად "ოლდ ტრაფორდი" სახელდებოდა.
თუმცა, 25 წლის ფეხბურთელი ნათლად მიანიშნებს, რომ "იუნაიტედში" გადასვლა მის უახლოეს გეგმებში არ შედის და სამომავლოდ, მადრიდულ გრანდთან ერთად, რაც შეიძლება მეტი ტიტულის მოგებას ისახავს მიზნად.
"მე ვერ წარმომიდგენია ჩემი თავი "მანჩესტერში", - ამბობს ბეილი ინგლისში მის შესაძლო დაბრუნებაზე.
"ბოლო ინტერვიუში მკითხეს, ვიყავი თუ არა ბედნიერი მადრიდში.
ჩვენ ვიგებთ ტიტულებს და მინდა, ამის კეთება მადრიდში განვაგრძო", - თქვა უელსელმა ფეხბურთელმა.
![კვლავ ფორმაშია! - შოთა არველაძემ მადრიდის "რეალს" გაუტანა [VIDEO]](/pictures/image7/2d1f3aeb1efc7b85ecbdcc72c2873bff.png "კვლავ ფორმაშია! - შოთა არველაძემ მადრიდის \"რეალს\" გაუტანა [VIDEO]")
