მალაგა-ვალენსია 1:0 - "ღამურების" შვიდმატჩიანი სერია დასრულდა [VIDEO]

2 თებერვალს ესპანეთის პრიმერა დივიზიონში XXI ტურის დარჩენილი ერთი მატჩი გაიმართა, რომელშიც "მალაგამ" "ვალენსიას" უმასპინძლა და მინიმალური ანგარიშით დაამარცხა მეტოქე - 1:0.

აღსანიშნავია, რომ "მალაგამ" ამ გამარჯვებით ჩემპიონატში "ღამურების" შვიდმატჩიანი წაუგებელი სერია შეწყვიტა.

მალაგაში, სტადიონ "ლა-როსალედაზე" გამართულ შეხვედრაში ერთადერთი გოლი სამუელ კასტილეიხომ (25) გაიტანა. აღსანიშნავია, რომ სტუმრებმა მატჩი ათი კაცით ჩაამთავრეს - 73-ე წუთზე მეორე გაფრთხილების გამო მოედანი ჟოაუ კანსელუმ დატოვა.

ლა ლიგის XXI ტურის შემდეგ "ვალენსია" 41 ქულით სატურნირო ცხრილში მეხუთე ადგილს იკავებს, "მალაგა" კი, 35 ქულით, მეშვიდე პოზიციაზეა.

ესპანეთი. ლა ლიგა. XXI ტური
2 თებერვალი
მალაგა-ვალენსია 1:0
გოლი: 1:0 კასტილეიხო (25)

მალაგა (4-2-3-1): კამენი - როსალესი, სანჩესი, ველიგტონი, ბოკა - დარდერი, კამაჩო - სამუელი (86. ორტა), ხუანმი, კასტილეიხო (76. რესიო) - გერა (64. ამრაბატი)
ვალენსია (4-4-2): ალვეში - კანსელო, მუსტაფი, ოტამენდი, გაია - პარეხო (58. ალკასერი), პერესი, ფუეგო (81. ორბანი), ანდრე გომეში (73. დე პაული) - როდრიგო, ნეგრედო

გაფრთხილება: კამაჩო, ამრაბატი, დარდერი, ველიგტონი, კამენი - ოტამენდი, პარეხო, კანსელო, პერესი
გაძევება: კანსელო (73)

კუთხური: 5-3; ჯარიმა: 19-18; თამაშგარე: 1-3; კარში დარტყმა: 13-10 (6-3); ბურთის ფლობა: 47%-53%.
მაყურებელი: 20 191

ბომბარდირები:
28 - კრიშტიანო რონალდო (რეალი); 22 - ლიონელ მესი (ბარსელონა); 15 - ნეიმარი (ბარსელონა); 12 - კარლოს ბაკა (სევილია); 11 - ქარიმ ბენზემა (რეალი), ანტუან გრიზმანი (რეალ სოსიედადი).