"სპორტის" ინფორმაციით, "ბარსელონა" მზად არის, ბრაზილიელ მცველ დანი ალვეშს ორწლიანი ხელშეკრულება შესთავაზოს. კატალონიურ კლუბში დაინტერესებულნი არიან, მარჯვენა მცველის პრობლემა მოაგვარონ. თავიდან, პრიორიტეტული "პორტუს" მცველის, დანილოს ყიდვა იყო, მაგრამ "ბარსას" სატრანსფერო აკრძალვა უშლის ხელს და თან სერიოზული კონკურენტი ჰყავს - მადრიდის "რეალი".
ამასობაში, დანი ალვეშის თამაში ლუის ენრიკეს სავსებით აკმაყოფილებს, უთანხმოება ფეხბურთელსა და მწვრთნელს შორის არ არსებობს, ალვეში უფრო კლუბის ხელმძღვანელობას შემოსწყრა. ამ სეზონში ალვეშმა 19 მატჩში მიიღო მონაწილეობა და 2 საგოლე პასი გააკეთა.
(იბეჭდება მცირე ცვლილებით)
ყოველდღიური სპორტული გაზეთი "ლელო"
