მადრიდის "რეალის" მთავარმა მწვრთნელმა კარლო ანჩელოტიმ განაცხადა, რომ მას არ ადარდებს ესპანეთის ჩემპიონატში "ბარსელონას" წარმატება. იტალიელმა სპეციალისტმა ასევე აღნიშნა, რომ მისი გუნდი აპირებს, თავისი თამაშით ბოლომდე წნეხში ამყოფოს კატალონიური გრანდი."ამჟამად სხვებზე არ ვფიქრობთ და მთლიანად კონცენტრირებულნი ვართ საკუთარ ამოცანებზე. ბოლომდე ვაპირებთ ესპანეთის ჩემპიონის ტიტულისთვის ბრძოლას. ჩვენი მიზანია - ვაიძულოთ "ბარსელონას" ყველა მატჩის მოგება", - აქვეყნებს ანჩელოტის ნათქვამს AS.
პრიმერა დივიზიონში 33 ტურის შემდეგ "სამეფო კლუბს" 79 ქულა აქვს და სატურნირო ცხრილში მეორე ადგილზეა. ლიდერ "ბარსელონას" აქტივში 81 ქულა აქვს.
