ლა ლიგა. II ტური: მადრიდის "რეალმა" "ბეტისთან" გაილაღა [VIDEO]

29 აგვისტოს ესპანეთის ლა ლიგის II ტურის 4 შეხვედრა გაიმართა.

დევიდ მოიესის "რეალ სოსიედადმა" აბელარდოს "სპორტინგს" უმასპინძლა და 0:0 დაუზავდა - 0:0. "სოსიედადში" დაბრუნების შემდეგ, პირველად ითამაშა ასიერ ილიარამენდიმ.

"ბარსელონამ" კვლავ მინიმალური ანგარიშით იმარჯვა - 73-ე წუთზე ლუის სუარესის ჩაწოდება კარლოს კამენიმ კი მოიგერია, მაგრამ საჯარიმოში მყოფმა თომას ვერმალენმა "ბარსელონას" მაისურით პირველი გოლი გაიტანა. ყბაყურა მოირჩინა და "ბარსას" დაუბრუნდა ნეიმარი.

ლუის ენრიკე (ბარსელონა): "კარგად ვითამაშეთ და ბევრი მომენტი შევქმენით. ასეთი მეტოქის წინააღმდეგ სწორედ ასე არის საჭირო თამაში. თქვენი არ ვიცი და მე კმაყოფილი ვარ გუნდის თამაშით დაცვაში. მიუხედავად იმისა, რომ ნეიმარი ახლახან დაგვიბრუნდა, მან მაღალ დონეზე ითამაშა".

მადრიდის "რეალმა" სევილიის "ბეტისს" უმასპინძლა, უკვე მე-2 წუთზე ხამეს როდრიგესის ჩაწოდებით გარეთ ბეილმა იხეირა, რომელმაც მეკარეს თავურით დაასწრო და ანგარიში გახსნა. 38-ე წუთზე ხამესმა საჯარიმო დარტყმით გაიტანა.

მეორე ტაიმის დასაწყისში თავი ქარიმ ბენზემამ გაიტანა, შემდეგ კი ხამესმა დუბლი მაკრატელა დარტყმით შეასრულა. 89-ე წუთზე დუბლი ბეილმაც შეასრულა შესანიშნავი შორეული დარტყმით - 5:0.

სოსიედადი-სპორტინგი 0:0

ბარსელონა-მალაგა 1:0
გოლი: 1:0 ვერმალენი (73)

სელტა-ვალეკანო 3:0
გოლები: 1:0 ნოლიტო (11-პენ), 2:0 ნოლიტო (50), 3:0 ფონტასი (88)

რეალი-ბეტისი 5:0
გოლები: 1:0 ბეილი(2), 2:0 ხ. როდრიგესი (39), 3:0 ბენზემა (47), 4:0 ხ. როდრიგესი (50), 5:0 ბეილი (89)